- Në festivalin e iso-polifonisë shqiptare marrin pjesë individë, grupe të shoqatave folklorike dhe grupe të Qendrave Kulturore të rretheve që këndojnë krijime muzikore popullore polifonike me 1,2,3,4 zëra.
- Parapëlqehet që të garohet me interpretime të krijimeve tradicionale me shoqërim të instrumenteve si fyell, cyladyjare, gajde etj.
- Nuk lejohet të garojnë këngë të shoqëruara me instrumenta të temperuar apo melodi instrumentale me to.
- Përzgjedhja e vlerave përfaqësuese bëhet mbi bazën e orgjinalitetit dhe nivelit cilësor të bartjes dhe interpretimit.
- Përparësi kane krijimet e mirëfillta tradicionale, duke nxjerë në pah krijimet më të lashta dhe duke shmangur denatyrimet e krijimeve polifonike.
- Krahas krijimeve të ardhura nga folklori burimor i hershëm, merren në konsideratë dhe raste kur ka zhvillim në ekzekutim dhe interpretim, por brenda ligjësive foklorike.
- Për të krijuar larmi në festival është mirë që krijimet të interpretohen brenda natyrës së tyre, veç nga grupe burrash e grash, nga të moshuar e të rinj.
- Për mbarëvajtje sa më cilësore të festivalit është e nevojshme të kryhen përpjekje për të sjellë krijime polifonike të panjohura nga festivalet e deritanishme.
- Tekstet e këngëve të mos deformohen dhe të mos sajohen tekste të tjera, të vijnë vlera autentike muzikore, që janë praktikuar dhe që njihen në mjediset përkatëse.
- Veshjet e pjesëtarëve të grupeve duhet të jenë popullore të kompletuara me të gjithë aksesorët e tyre përkatës.
