ÇMIMI “Ndue Shyti ”
NDUE SHYTI
( Artist i Popullit )
Artist i Popullit, instrumentist virtuoz dhe krijues në muzikën popullore.Krijues e drejtues i orkestrinës së mirënjohur me instrumenta popullorë të Pukës.
Qysh në moshë të re, me shumë pasion, vullnet e talent të veçantë, duke patur shembull e mesues, instrumentistë të shquar si Gjin Shkoza, nisi ngjitjen e rrugës artistike në shkallët më të larta.
Duke jetuar në natyrën madheshtore, mes malësorëve trima, ai nga interpretimi në instrumentat tradicionalë, kaloi në krijimtarinë e pasur duke sjellë tinguj e melodi të reja që interpretoheshin me mjeshtëri nga instrumentistë që i pergatiste vetë .
Turneu i parë në Kinë në vitin 1966, ishte shumë i suksesëshëm. Orkestrina që drejtohej nga ai u pasurua me instrumenta të rinj si sharkia, lahuta,fyelli,bilbili, zumarja me dy pipa,gajdeja dhe gjethja. Në vitin 1969,për punën dhë krijimtatinë e gjerë në ansamblin “Puka”u vlerësua me titullin “Artist i Merituar.”
Orkestrina u pasurua edhe me instrumente të tjera si daullja, fisarmonika, kitara dhe çiftelitë e temperuara. Shumë këngë të njohura janë shoqëruar prej saj brënda e jashtë vendit. Në vitin 1969, orkestrina kishte 104 instrumentistë, prej tyre 30 çifteli ku interpretonin dhe 6 vajza. Interpretimi dhe krijimtaria e Ndue Shytit njohu pika kulmore shumëdimensionale duke drejtuar dhe interpretuar vetë në 5 vegla muzikore.
Në vitin 1979 u verësua me titullin “ Artist i Popullit “. Merr pjesë me Ansamblin “Puka “ , në të gjitha festivalet folklorike kombëtare duke u nderuar me çmime të para dhe dekorohet me Urdhërin “Naim Frashëri” Kl. I-rë.
Interpretoi me shumë sukses në festivale e veprimtari ndërkombëtare si në Francë, Norvegji, Turqi, Kinë, Austri, Kamboxhia, Amerikë etj , në perbërje të Ansamblit të Këngeve e valleve Popullore. Ai krijoi 13 pjesë orkestrale dhe disa këngë. Në Festivalin Folklorik Kombëtar të Rapsodëve dhe Instrumentistëve popullorë ne Lezhë 21-22 Qershor 2007, Q. K. V. F. , shpalli çmimin “ NDUE SHYTI”
Të parët që fituan këtë çmim ishin Imerr Neli në vitin 2007 dhe Tonin Shkoza në vitin 2008.
